Vüsal Qarayev: “Komandanın oyun tərzini bəyənirəm”

“Rəvan” FK-nun yeni transferi Vüsal Qarayev-in klubun saytına verdiyi müsahibəni nəzərinizə çatdırırıq.

    - İlk öncə səni təbrik edirik. “Rəvan” FK-da sənə uğurlar arzulayırıq. Klubla müqavilən barədə məlumat verərdin ?

    - Çəx sağ olun. Mən özüm bu komandaya keçməyimə görə şadam. AZAL ilə müqaviləm dekabrda bitmişdir və mən azad agent statusu əldə eləmişdim. “Rəvan” FK tərəfindən təklifi eşidən kimi çox düşünmədən bu komandaya keçəcəyimi qərara aldım.

     - Yeni kluba keçid, yeni mühitə keçid deməkdir. Komandaya uyğunlaşma ilə bir problemin olmadıki ?

    - Düzünü desəm klubdakı oyunçuların və məşqçi heyətinin əksəriyyəti ilə çoxdan tanışam. Ona görədə komandaya uyğunlaşma çox rahat şəkildə oldu. Yalnız legioner futbolçuları tanımırdın ki, məşqlərdə artıq bütün komanda yoldaşlarım ilə münasibətim var.

    - “Rəvan” FK çempionatda debütantdir, ümumiyyətlə klubun çıxışlarını izləyirdin ?

    - “Rəvan” FK bu ilki çempionatda ən gözəbaxımlı futbol oynayan klublardandı. Çempionat başlayanda “Rəvan” klubunun oyununu görən kimi bu komandanın sərgilədiyi oyun üslubunu bəyənmişdim, hal-hazırdada komandanın oyun tərzini bəyənirəm. Helə keçidimin əsas səbəbindən biridə bu klubun oyun üslubu və klubun çox böyük potensiala malik olmasıdır. Məndə burda bir futbolçu kimi inkişaf edə biləcəyimi düşünürəm.

    - Artıq komandada 1 yoxlama görüşü keçirmisən və 2 qol vurmusan. Bu barədə ətraflı məlumat verə bilərsənmi ?

    - Bəli, artıq yeni komandamda qol hesabımı açmışam, 24 yanvar tarixdə Salyan şəhərində təlim-məşq toplanışı çərçivəsində “Muğan” klubu ilə yoldaşlıq oyunu keçirdik. Həmin oyuna məşqçi məni hücumçu kimi oyuna salmışdı. 6-2 hesabı ilə qalib gəldik və mən 2 dəfə fərqləndim. Mən əsasən sağ yarımmüdafiəçi qismində oynayıram lakin “Turan” və “Qəbələ” klublarında sırf hücumçu kimi çıxış etmışəm. Onə görə də mən bu mövqedə çıxış etmək mənə yad deyil.

    - Vüsal sənə “Rəvan” FK-da və gələcək karyeranda uğurlar arzu edirik.

    - Təşəkkür edirəm. Mən özümdə ümid edirəm ki, bu klubla karyeramın əsas uğurlarını qazanacam.